Miezi 18 iliyopita PSG walitumia kiasi cha  €31.4m kwa ajili ya kumsajili beki wa kati wa AS Roma  Marquinhos.

Mbrazil huyo mwenye umri miaka 20 amefeli kupata nafasi ya kudumu katika kikosi cha kwanza cha Laurent Blanc na sasa yupo radhi kuondoka jijini katika dirisha hili la usajili la mwezi January.

Vyombo vya habari vya Ufaransa likiwemo jarida linaloheshimika nchini humo Le 10 Sport limeripoti kwamba Manchester United wamewasiliana na PSG juu ya uhamisho wa Marquinhos lakini inawezekana uhamisho huo ukafanyika wakati dirisha lijalo la usajili.

Marquinhos amekosa nafasi kwenye timu hiyo – huku wabrazil wenzie Thiago Silva na David Luiz wakichukua nafasi za kati kwenye safu ya ulinzi ya timu hiyo.
Louis Van Gaal ameripotiwa kuweka nguvu katika kumsajili beki wa kati mwezi huu na Marquinhos anatajwa ndio lengo lake.