This is Habari: Sports

Showing posts with label Sports. Show all posts

Je, sasa tunajua nini kuhusu Lionel Messi? Alikuwa hajawahi kumfunga golikipa wa Arsenal Petr Cech pia alikuwa hajawahi kuifunga timu ya England nje ya Nou Camp kwenye michuano ya Ulaya. Sasa mambo yamebadilika na Messi amefanya hivyo kwa mara ya kwanza kwa kila kitu.

Lionel Messi alipiga bao mbili kwenye mchezo wa Champions League hatua ya 16 bora dhidi ya Arsenal usiku wa Jumanne February 23 kwenye dimba la Emirates, London.

Endapo Arsenal itashindwa kufuzu kwa hatua inayofuata itakuwa imeondoshwa kwenye michuano hiyo kwa mara ya sita mfululizo katika hatua ya 16 bora. Ili Arsenal iweze kusonga mbele kwenye mashindano hayo makubwa Ulaya kwa ngazi za vilabu, inatakiwa kuibuka na ushindi wa bao 3-0 kwenye uwanja wa Now Camp.

Messi vs Cech

Rekodi ya Arsenal kwenye michuano ya Champions League hatua ya 16 bora tangu msimu wa 2010-11.

2015-16 – Lost 2-0 (mchezo wa kwanza, unasubiriwa mchezo wa marudiano)

2014-15 – Lost 3-3 (away goals) to Monaco

2013-14 – Lost 3-1 to Bayern

2012-13 – Lost 3-3 (away goals) to Bayern

2011-12 – Lost 4-3 to Milan

2010-11 – Lost 4-3 to Barcelona

Messi vs Cech

Rekodi muhimu baada ya mchezo wa kwanza Arsenal vs Barcelona (Emirates Stadium)

    Messi alikuwa hajamfunga Petr Cech kwa muda wa saa 10 na dakika 11 ambazo amecheza uwanjani (mechi saba).
    Messi sasa amefikisha magoli nane kwenye michuano ya UEFA Champions League dhidi ya Arsenal pamoja na AC Milan ambayo amezifunga timu hizo.
    Ilimchukua sekunde 47 tu tangu Mathieu Flamini aingie uwanjani akawa amesababisha penati.
    Barcelona haijapoteza mchezo kwenye mechi 33 za mashindano rekodi nzuri kuwahi kutokea kwenye timu hiyo. Reodi ya kucheza mechi nyingi bila kupoteza kwa timu za Hispania inashikiliwa na Real Madrid ambayo haikupoteza katika mechi 34 msimu wa mwaka 1987-88.
    Arsenal imeshindwa kufunga goli kwa mara ya kwanza kwenye mechi 14 za Champions League.
    Kwa mwaka wa tano sasa Arsenal imekuwa ikipoteza kwa goli mbili au zaidi kwenye michezo yao ya kwanza ya Champions League hatua ya 16 bora.
    Walipoteza 4-0 dhidi ya AC Milan, 3-1 na 2-0 dhidi ya Bayern Munich, 3-1dhidi ya Monaco na sasa 2-0 dhidi ya Barcelona.

Jedwali la msimamo wa ligi ya EPL kufikia 15 Februari, 2016.

Nambari	Klabu	Mechi	Mabao	Alama
1	Leicester	26	19	53
2	Tottenham	26	27	51
3	Arsenal	26	18	51
4	Man City	26	20	47
5	Man Utd	26	9	41
6	Southampton	26	10	40
7	West Ham	26	9	40
8	Liverpool	26	2	38
9	Watford	26	1	36
10	Stoke	26	-5	36
11	Everton	26	11	35
12	Chelsea	26	2	33
13	Crystal Palace	26	-5	32
14	West Brom	26	-8	32
15	Bournemouth	26	-14	28
16	Swansea	26	-10	27
17	Norwich	26	-20	24
18	Newcastle	26	-22	24
19	Sunderland	26	-18	23
20	Aston Villa	26	-26	16

Timu ya soka ya Barcelona jana ilifanikiwa kuinyuka Celta De Vigo kwa mabao 6-1, katika mwendelezo wa Ligi kuu ya Hispania kupitia mabao ambayo yalifungwa na wachezaji Lionel Messi ,Luis Suárez mabao , Ivan Rakitic pamoja na Neymar Neymar da Silva Santos Júnior, mchezaji Lionel Messi akifunga Hat-trick katika mchezo huo.

Mbali na mchezo huo michezo mingine Getafe iliambulia kichapo cha bao 1 – 0 kutoka kwa Atl Madrid, Real Sociedad wao walichomoza na ushindi wa mabao 3 – 0 dhidi ya Granada CF,na Sevilla ilichapa bao 2 – 0 Las Palmas.

Kwa matokeo hayo Barcelona inaongoza ligi ikiwa na pointi 57,ikifuatiwa na Altetico Madrid kwa pointi 54,nafasi ya tatu ni Real Madrid yenye pointi 53,Villarreal ipo nafasi ya Nne na nafasi ya tano ni sevilla ikiwa na pointi 40.

Costal Union wamezendeleza ubabe kwenye uwanja wa CCM Mkwakwani, Tanga dhidi ya vigogo vya ligi kuu Tanzania bara.

January 30 Coiastal Union iliinyosha Yanga kwenye uwanja huo kwa bao 2-0 leo imefanikiwa kuilaza Azam FC kwenye uwanja huohuo kwa bao 1-0 lilifungwa na Miraji Adam dakika ya 68 kipindi cha pili kufatia makosa ya golikipa Aishi Manula ambaye aliundaka mpira na kubaki nao kwa madai alikuwa ameumia.

Mwamuzi akatoa adhabu (indirect free-kick) ya mpira upigwe eneo lilile ambalo Manula alikuwa amedaka mpira ndipo Adam Miraji akaipa Coastal bao la ushindi.

Baada ya Coastal Union kufanikiwa kuifunga Azam wamefanikiwa kuandika rekodi mpya kwenye ligi ya Vodacom Tanzania bara.

Costal ndiyo kiboko ya vigogo

Timu hiyo kongwe ya jijini Tanga imekuwa timu ya kwanza kuzimunga Yanga na Azam na kuzivunjia rekodi ya kutofungwa kwenye ligi msimu huu.

Ushindi ilioupata wa magoli 2-0 dhidi ya Yanga, ilikuwa ni mechi ya kwanza kupoteza tangu kuanza kwa ligi msimu huu. Yanga walipoteza mchezo wao kwanza ikiwa ni raundi ya 15 ambayo ilikuwa ni mechi ya mwisho kukamilisha mzunguko wa kwanza.

Azam pia wameionja joto ya jiwe mbele ya Coastal Union ambayo imeivua rekodi ya kutopoteza mchezo kwenye ligi. Azam wamepigwa kwenye mechi yao ya 17 baada ya kucheza michezo 16 (raundi ya kwanza) bila kupoteza mchezo hata mmoja.

Meneja wa Chelsea Guus Hiddink amefichua kwamba mshambuliaji wa klabu hiyo Diego Costa aliumia puani akishiriki mazoezi jana jioni.

Hata hivyo, Mholanzi huyo amesema Costa hayumo hatarini na anatarajiwa kufanya mazoezi madogo leo jioni na kisha kujiunga na wachezaji wenzake hotelini.

Costa anatarajiwa kucheza mechi ya Jumamosi dhidi ya Newcastle.
Hiddink amesema Costa aliumia kimakosa akijaribu kupiga mpira wa kichwa.
Costa hujulikana sana kutokana na utukutu wake uwanjani.

Kuhusu beki wa Ufaransa Kurt Zouma, Hiddink amesema mchezaji huyo hataweza kucheza tena msimu huu baada ya kuumia kwenye goti wakati wa mechi dhidi ya Manchester United.
Hata hivyo, amesema klabu hiyo itatumia wachezaji chipukizi kuziba pengo atakaloacha.
Oscar akanusha mfarakano na Costa

Jedwali la msimamo wa ligi ya EPL
"Hatuna wasiwasi wa kuingiza chipukizi,” amesema.
Hiddink amesema klabu hiyo sasa imefanikiwa kuondoa wasiwasi na kutojiamini lakini sasa lazima wachezaji hao waanze kushinda mechi.

Chelsea wametoka sare mechi sita kati ya nane walizocheza tangu Hiddink achukue usukani kufuatia kufutwa kwa Jose Mourinho mwezi Desemba.
Hata hivyo, hawajashindwa mechi hata moja.
"Ingawa ni vyema kutoshindwa, kila mtu sasa anataka tushinde mechi nyingi,” amesema Hiddink.

Barcelona wamefika fainali ya Copa del Rey baada ya kutoka sare na klabu ya Gary Neville Valencia na kukamilisha ushindi wa jumla wa 8-1.

Barca walitoka sare 1-1 na Valencia kwenye mechi ya marudiano katika uwanja wa Mestalla. Mechi ya kwanza walikuwa wamepata ushindi wa 7-0 uwanjani Nou Camp, ushindi uliowafanya wengi kutoa wito kwa Neville, nyota wa zamani wa Manchester United, kujiuzulu.

Valencia ndio waliotangulia kufunga mechi hiyo ya Jumatano kupitia Alvaro Negredo.

Lakini nguvu mpya wa Barca Wilfrid Kaptoum alisawazisha dakika za mwisho na kumnyima Neville ushindi.

Matokeo hayo yana maana kwamba Barcelona sasa hawajashindwa katika mechi 29, ambayo ni rekodi Uhispania.

Wapinzani wao kwenye fainali watakuwa mshindi kati ya Celta Vigo na Sevilla.

Sevilla wanajivunia uongozi wa 4-0 kabla ya mechi hiyo ya Alhamisi.

Neville hajashinda mechi hata moja tangu kuchukua usukani Valencia tarehe 2 Desemba.

Alikuwa ameweka wazi kwamba ataangazia zaidi mechi ya Jumamosi ya La Liga dhidi ya Espanyol na alibadilisha sana kikosi chake, ingawa Barca pia hawakuchezesha wachezaji wao nyota.

Lionel Messi, Luis Suarez na Neymar wote walipumzishwa na Luis Enrique.

Ni mashabiki 16,200 pekee waliofika uwanjani Mestalla kutazama mechi hiyo. Uwanja huo hutoshea mashabiki 55,000.

Kocha wa Man United Louis van Gaal bado anahangaika kutetea kibarua chake kwa kuhakikisha kuwa timu ya Man United inafanya vizuri, Louis van Gaal anatajwa kuwa katika mikakati ya kuhakikisha Man United inamaliza ikiwa nafasi nzuri, kitendo ambacho huenda kikawafanya viongozi wa Man United kubadili mawazo.

February 8 ikiwa zimepita saa 24 toka uchezwe mchezo kati ya Man United dhidi ya Chelsea, kocha wa Man United Louis van Gaal kaamua kumshusha Memphis Depay katika kikosi cha wachezaji wenye umri chini ya miaka 21, Van Gaal amemshusha staa huyo na atacheza katika mchezo kati ya Norwich City usiku huu, lengo likiwa ni kutaka aongeze kiwango kutokana na kutofanya vizuri katika mchezo wa February 7 dhidi ya Chelsea na kumalizika kwa sare ya goli 1-1.

2CCA285A00000578-0-image-a-156_1445127306660

Depay aliyesajiliwa dirisha kubwa la usajili la mwezi wa August 2015 kwa dau la pound milioni 25 akitokea klabu ya PSV Endhoven ya kwao Uholanzi, amekosolewa na wachambuzi na mashabiki wa soka kwa kuonesha kiwango kibovu katika mchezo dhidi ya Chelsea. Depay Jumamosi ya February 13 2016 atatimiza rasmi umri wa miaka 22.

Baada ya kuambulia kichapo cha 3-1 mikononi mwa Leicester City mkufunzi wa Manchester City sasa ameanza kusingizia jua.

Kocha Manuel Pellegrini anasema Leicester wanabahati ya kusajili matokeo mema katika ligi ya Uingereza kwa sababu hawana mechi nyingi na pia hawashiriki mashindano tofauti kama wapinzani wao wakuu Arsenal .

Vinara hao wa ligi kuu ya Uingereza wamesalia na mechi 13 pekee msimu huu kwani wamekwisha banduliwa nje ya mashindano mengine.

Kwa upande wake vijana wa Pellegrini wamesalia na takriban mechi 27 katika kipindi hicho.

Manchester City inashiriki ligi 4 tofauti kwa wakati mmoja.
Man City inawania ligi ya mabingwa barani Ulaya , ligi kuu ya Uingereza , League Cup, na kombe la FA .

''Bila shaka ukilinganisha mahitaji yetu na idadi ya mechi tulizoratibiwa kucheza kufikia mwisho wa msimu ni zaidi ya mara mbili ya Leicester.''

''Kwa sasa wameelekeza bidii yao yote kwenye mechi hizi za ligi na hivyo wana muda bora wa kupumzika na kujiandaa kwa mechi ijayo'' alisema Pellegrini.

''laiti nas tungelikuwa tunajiandaa kwa mechi moja kwa wiki ,,,,bila shaka tungekuwa katika nafasi nzuri zaidi ya kutwaa kombe la ligi kuu''

Man City wameshuka hadi nafasi ya nne kufuatia kichapo hicho mikononi mwa Leicester ambao sasa wamefungua pengo la alama 5 zaidi ya washindi wa pili Tottenham.
Image copyright PA
Image caption Pellegrini amesalia na takriban mechi 27 huku Leicester wakisalia na mechi 13 pekee .

''Kwa sasa wachezaji wetu wanacheza mechi zaidi ya nne kwa juma na hiyo inasababisha majeraha mengi sana''

''Kwamfano vigogo wetu wa safu ya ulinzi Vincent Kompany na Eliaquim Mangala wamejeruhiwa ukitizama safu yetu ya mashambulizi hali ni mbaya zaidi Kevin de Bruyne, Jesus Navas, Wilfried Bony, Samir Nasri na David Silva wote wanauguza majeraha ni kizaza," Alisema Pellegrini.

''Hali ni Ngumu kwa kweli .Natumai tutapata nafuu karibuni''

Sasa Pellegrini anakabiliwa na ushindani zaidi kutoka kwa Tottenham Hotspurs siku ya jumapili.

Wikiendi ijayo itakuwa zamu ya Arsenal kuikaribisha Leicester uwanjani Emirati.

Baada ya kushinda tuzo ya mchezaji bora wa mechi (Man of the Match) kwenye sare ya mchezo kati ya Chelsea dhidi ya Manchester United, Mata alifanya tukio ambalo liliwakumbasha mbali mashabiki wa Chelsea mara baada ya filimbi ya mwisho.

Mchezaji huyo wa zamani wa Chelsea alisalia uwanjani na kupeana mkono na wachezaji wote wa Chelsea baada ya mchezo kumalizika.
Mata Juan 2

Akiwa Chelsea mashabiki walimchagua mara mbili kuwa mchezaji bora wa mwaka. Mata bado anakumbukwa na kupendwa na mashabiki wa timu yake ya zamani hasa kutokana na nidhamu ambayo amekuwa akiionesha kwa wachezaji wenzake wa zamani kila anapokutana nao.

Mata aliondoka Stamford Bridge mwaka 2014 kutokana na ujio wa kocha wa zamani wa timu hiyo Jose Mourinho ambaye hakuhitaji huduma ya mhispania huyo.

Lakini Mourinho pia yupo nje ya Chelsea, Mata ameonekana alikuwa mwenye furaha kukutana tena na wachezaji wenzake wa zamani.

Mtibwa Sugar leo itakuwa ugenini kukabiliana na Ndanda FC kwenye uwanja wa Nangwanda Sijaona mkoani Mtwara katika mwendelezo wa ligi kuu ya Vodacom Tanzania bara.

Kocha mkuu wa Mtibwa Sugar Mecky Maxime amesema kwamba wao wamejiandaa vyema na mchezo huo na watahakikisha wanapata matokeo ya ushindi ili kuendelea kujiweka vizuri kwenye msimamo au mazingira ya ligi kuu Tanzania bara.

“Sisi tulishafanya maandalizi nyumbani, tumekuja kucheza na Ndanda tunajua ni timu nzuri ambayo imetoka kupata ushindi ugenini na watakuwa wanataka kupata ushindi wa nyumbani lakini sisi tumejiandaa kuja kupata pointi tatu”, amesema Maxime.

Mtibwa Sugar ipo nafasi ya nne kwenye msimamo wa ligi ikiwa na pointi 32 baada ya kucheza mechi 17 wakati Ndanda FC wao wanakamatia nafasi ya 11 kwa pointi zao 16.

Mechi ya mwisho kabla ya mchezo wa leo Mtibwa ililazimishwa sare ya kufungana bao 2-2 ikiwa kwenye uwanja wake wa nyumbani Manungu Complex wakati Ndanda wao walishinda mchezo wa mwisho kwao bao 1-0 wakiwa ugenini dhidi ya Coastal Union ya mkoani Tanga.

Taarifa zimevuja juu ya mshahara anaokunja kiungo wa Real Madrid Toni Kroos lakini yeye akiwa ni mchezaji wa tatu kuvuta kitita kirefu cha mkwanja ndani ya Madrid akitanguliwa na mastaa wengine wawili.

Inakadiriwa kwamba mjerumani huyo anachukua kiasi cha €10.9m kwa mwaka lakini mashabiki wamekuwa wakihoji kuhusu kiwango anachokionesha ndani ya msimu huu.

Hakuna taarifa za uhakika zenye kuthibitisha ni wachezaji gani wawili ambao ndiyo wanavuta kitatita cha maana kwenye klabu hiyo, lakini wanadhaniwa kuwa ni Christiano Ronaldo na Gareth Bale au Sergio Ramos.

Madrid ililipa kiasi cha euro milioni 30 kwa ajili ya Kroos mwaka 2014 baada ya mcheaji huyo kuisaidia timu yake ya taifa ya Ujerumani kunyakua ndoo ya dunia.

Manchester City watakutana na viongozi wa ligi Leicester City Jumamosi

Ligi kuu ya soka ya England inatarajiwa kuendelea tena umamosi kwa michezo mbalimbali katika viwanja tofauti, Manchester City watakuwa wenyeji wa Leicester, Aston Villa watamenyana na Norwich city, Liverpool watawaalika Sunderland, Newcastle united dhidi ya West Brom, Stoke watakuwa wenyeji wa Everton,Swansea watawakabili Crystal Palace, Watford watakuwa wageni wa Tottenham, na Southampton watakuwa nyumbani dhidi ya West Ham.
Image copyright Getty

Ratiba kamili:

    Jedwali la msimamo wa ligi ya EPL

Jumamosi 6 Februari, 2016 (Saa za Afrika Mashariki)

    Man City v Leicester 15:45
    Aston Villa v Norwich 18:00
    Liverpool v Sunderland 18:00
    Newcastle v West Brom 18

    :00
    Stoke v Everton 18:00
    Swansea v Crystal Palace 18:00
    Tottenham v Watford 18:00
    Southampton v West Ham 20:30

Jumapili 7 Februari, 2016

    Bournemouth v Arsenal 16:30
    Chelsea v Man Utd 19:00

Waendesha mashtaka nchini Brazil wamependekeza kwamba nyota wa timu ya Barcelona Neymar ashtakiwe na mashtaka matatu ya ufisadi kuhusu kesi ya kodi wakati wa uhamisho wake hadi Barcelona.

Inadaiwa kwamba kampuni zilibuniwa ili kutumika kwa niaba yake ili mchezaji huyo alipe kodi ya kiwango cha chini.

Maafisa nchini Brazil wanasema kuwa madai hayo dhidi ya mshambuliaji huyo wa Barcelona yanasimamia kipindi cha miaka saba kuanzia 2006.Madai hayo ni tofauti na yale ya kesi iliosikizwa siku ya Jumanne nchini Uhispania.

Neymar alihudhuria kesi yake ya madai ya ufisadi kuhusu uhamisho wake.Amekana kufanya makosa yoyote.

Waendesha mashtaka wa serikali ambao wanapendekeza kushtakiwa kwake wanadai kwamba kampuni zilibuniwa na fedha ambazo zingelipishwa kodi katika kiwango cha mtu binafsi zilitumwa katika kampuni hizo ili kupunguza ada hiyo.

Ni mapema mno.
Madai hayo ya viongozi wa mashtaka yatakwenda kwa jaji ambaye ataamua iwapo kuna kesi ya kujibu au la.kwa sasa Neymar sio mshtakiwa.

Wachezaji wa Leicester City wakisherehekea ushindi dhidi ya Chelsea

Mabingwa watetezi wa ligi kuu England Chelsea wamezidi kutumbukia kwenye matatizo baada ya kupokezwa kichapo cha 2-1 na Leicester City.

Mshambuliaji wa Leicester Jamie Vardy ndie aliyeanza kupeleka msiba kwa The Blues baada ya kuandikisha bao la kwanza katika katika ya 34 ya mchezo. Winga Riyard Mahrez akaongeza bao la pili na la ushindi katika dakika ya 48 ya mchezo.

Bao pekee la kufutia machozi kwa upande wa Chelsea lilifungwa na Loic Remy aliyefunga kwa kichwa baada ya kupokea krosi nzuri kutoka kwa Pedro.
Kwa ushindi huu Leicester City wanarejea kileleni mwa ligi wakiwa na alama 35 baada ya kucheza michezo kumi na sita huku Chelsea wakijichimbia katika nafasi 16 wakiwa na alama 15 wakiwa wamepoteza michezo tisa katika michezo 16.

Mshambuliaji Jamei Vardy ameendelea kuongoza katika kinyang'anyiro cha mfungaji bora msimu huu akiwa sasa ametikisa nyavu mara 15 ligini msimu huu.

mfumo wa kocha wa sasa wa Man United Louis van Gaal katika kukifundisha kikosi hicho zinazidi kuchukua nafasi kila siku. Tumewahi kuwasikia wachambuzi kadhaa wa soka ambao wamekuwa wakitaja kuwa uwezo na mbimu za kocha huyo sio nzuri kitu ambacho kinapelekea Man United kutofanya vizuri.

December 14 naomba nikusogezee kauli za wachezaji sita wa zamani wa Man Unitedwanaoamini kuwa Louis van Gaal anabomoa mfumo wa uchezaji wa Man United.

6- Roy Keane

Roy Keane of Manchester Utd and Arsenal's Patrick Vieira come to blows during the game at Arsenal's Highbury ground, Sunday August 22, 1999. Final score 1-2 to Man Utd. Photo by Sean Dempsey/PA

“Ana kikosi chenye wachezaji wazuri haitaji kutafuta wengine nje ya kikosi, angalia wakati alipoingia Man United wametupa fedha nyingi kusajili ila bado hana wachezaji maalum hadi sasa” >>> Roy Keane

5-Peter Schmeichel

“Kihistoria mashabiki wa Man United wanahitaji kitu cha ziada, Man United walikuwa wanacheza soka la kuburudisha, mchezo ambao uliletwa na Alex Ferguson. Hiki ndicho kinacholalamikiwa na mashabiki wa Man United kwani wanahitaji soka la kuvutia” >>> Peter Schmeichel

4- Rio Ferdinand

“Zamani Man United ilikuwa ni kawaida kuona katika timu tatu au nne za juu kuna wachezaji ambao ni viongozi, unaposema umetumia pound milioni 250 kufanya usajili na kusema kuwa umefunga usajili, baada ya hapo unasema Man United haiwezi kushindana katika michuano ya klabu Bingwa Ulaya, hii inashangaza” >>> Rio Ferdinand

3- Michael Owen

“Nafikiri licha ya kutumia fedha zote hizo katika usajili nafikiri ana kikosi kibovu kuliko kilichokuwa awali, Louis van Gaal katika kipindi cha miezi 18 tu kaacha wachezaji kadhaa waondoke Man United. Tulikuwa na wachezaji wazuri kama Vidic, Evra, Nani, Kagawa, Cleverley, Robin van Persie na Chicharito” >>> Michael Owen

2- Garry Neville

“Van Gaal hakutakiwa kukurupuka kuwajibu waandishi wa habari kuwa sisi hatujui kitu kwani kufanya hivyo ni kuwaambia mashabiki, mashabiki wanafikiria kama alichokiandika Neville, ukweli ni vigumu sana kuangalia dalili za hatari” >>> Garry Neville

1- Paul Scholes

“Kiukweli kikosi anakifundisha kujihami zaidi kuiko kucheza soka la kushambulia kufunga magoli na kuweka ubunifu. Kwa sasa Man United ni timu ambayo hutopenda kucheza dhidi yake au kucheza ndani ya kikosi hicho ” >>> Paul Scholes

Arsenal ya Uingereza imepangwa na Barcelona ya Uhispania, ambao ndio mabingwa watetezi, kwenye hatua ya 16 bora Ligi ya Klabu Bingwa Ulaya.

Mechi hiyo itakuwa kama marudio ya fainali ya 2006, ambayo mabingwa hao wa Uhispania walishinda 2-1 kupitia mabao mawili ya dakika za mwisho mjini Paris.

Wenzao kutoka Uingereza Chelsea wamepewa miamba wa Ufaransa Paris Saint Germain baada ya droo kufanywa mjini Nyon, Uswisi. Hii itakuwa mara ya tatu mtawalia kwa Chelsea kukutana na PSG katika michuano ya Uefa.

Droo kamili:
Benfica (Ureno) v Zenit St Petersburg (Urusi)
Dynamo Kyiv (Ukraine) v Manchester City (Uingereza)
Juventus (Italia) v Bayern Munich (Ujerumani)
PSV (Uholanzi) v Atletico Madrid (Uhispania)
PSG (Ufaransa) v Chelsea (Uingereza)
Arsenal (Uingereza) v Barcelona (Uhispania)
Gent(Ubelgiji) v Wolfsburg(Ujerumani)
Roma (Italia) v Real Madrid (Uhispania)
Mechi za mkondo wa kwanza zimeratibiwa kucheza Februari 16-17 na 23-24. Mechi za marudiano ni Machi 8-9 na 15-16.

Mecky Mexime

Kocha wa Mtibwa Sugar Mecky Mexime amesema timu yake haitauza wala kununua mchezaji yeyote mpya kwenye kipindi hiki cha dirisha dogo.

Amedai kuwa hadi sasa wamerizika na wachezaji waliokuwa nao, na hakuna mapungufu ya ila kuimarisha mfumo tu.

Maxime ameiambia Goal, anajivunia mchanganyiko wa wachezaji aliokuwa nao kwenye kikosi chake ambao umekuwa na ushirikiano mkubwa na kuiwezesha timu hiyo kushika nafasi ya tatu kwenye msimamo katika mechi tisa za ligi ya Vodacom, walizocheza tangu kuanza kwa msimu huu.

“Hatutauza mchezaji kutoka kwenye timu yetu hivi sasa kwasababu ya kuhofia kuvuruga maelewana ya kiuchezaji yaliyopo kwa wachezaji wangu nilioanza nao msimu, nataka kuendelea na hawa niliokuwa nao ili kubakisha kasi yetu ambayo tumeanza nayo msimu huu,”amesema Maxime.

Maxime aliyeanza vizuri kuifundisha timu hiyo ndiyo kocha pekee mzawa ambaye yupo kwenye tatu bora na kumshinda Dylan Kerr wa Simba raia wa Uingereza ambaye timu yake inashika nafasi ya nne kwa kuwa na pointi 21.

Jose Mourinho

Mkufunzi wa Chelsea Jose Mourinho anataka kutimiza ndoto yake kwa kumaliza miongoni mwa timu nne bora mwishoni mwa msimu huu.

Mabingwa hao wa ligi ya Uingereza,wako katika nafasi ya 14 wakiwa pointi 14 nyuma ya timu inayoshikilia nafasi ya nne.
''Pengine tuna fursa ya kufanikisha ndoto hii kwa kumaliza katika nafasi ya nne,ijapokuwa inawezekana lazima tujaribu'',alisema Mourinho.

Chelsea inaelekea kukabiliana na Leicester katika ligi kuu ya Uingereza.
Mchezo m'baya wa kilabu ya Chelsea's msimu huu umezua maswali mengi miongoni mwa mashabiki wa klabu hiyo ,lakini Mourinho amesema ana hakika atasalia kuwa kocha Stamford Bridge.

Kiungo wa kimataifa wa Ivory Coast na klabu ya Manchester City ya Uingereza Yaya Toure alikuwa ni mmoja kati ya wachezaji watano waliokuwa wanawania tuzo ya mchezaji bora wa Afrika inayotolewa na shirika la utangazaji la Uingereza BBC, Yaya Toure amefanikiwa kuibuka na ushindii wa baada ya kupata kura nyingi zaidi ya Pierre-Emerick Aubameyang, Andre Ayew, Yacine Brahimi na Sadio Mane

List ya wachezaji watano waliokuwa wanawania tuzo ya mchezaji bora wa BBC

List ya wachezaji watano waliokuwa wanawania tuzo ya mchezaji bora wa BBC

Kutwaa tuzo hiyo kwa Yaya Toure kunamfanya kuwa mchezaji wa tatu kuingia katika rekodi ya wachezaji wa zamani wa Nigeria Nwankwo Kanu na Jay-Jay Okocha ambaoo kila mmoja katwaa tuzo hiyo mara mbili, rekodi ambayo inashikiliwa na wachezaji watatu kwa sasa ikiwemo Toure.

Usiku wa December 9 ilipigwa michezo nane ya UEFA Champions League kukamilisha hatua ya makundi, baadhi ya timu zimejihakikishia nafasi ya kusonga mbele kwenye michuano hiyo huku nyingine zikiwa zimeng’oka kama si kutupwa nje.

Haya hapa matokeo ya mechi zote zilizochezwa usiku wa December 9 huhitimisha hatua ya makundi kabla ya kuanza kwa hatua ya mtoano.

Timu ambazo zimefanikiwa kutika hatua ya 16 ni pamoja na; Real Madrid, PSG, VfL Wolfsburg, PSV Eindhoven, Atletico Madrid, Benfica, Man City, Juventus, FC Barcelona, Roma, FC Bayern Munich, Arsenal, Chelsea, Dynamo Kiev, Zenit St P na KAA Gent.

This is Habari

Welcome to

MPOLI PICTURES

ABOUT ME

MPOLI PICTURES

My Professional Skills

Portfolio

MESSI AVUNJA REKODI YA PETR CECH

Jedwali la msimamo wa ligi ya EPL

Barcelona yainyuka Celta De vigo 6-1 Suarez akifunga Tatu

HII NDIYO REKODI ILIYOWEKWA NA COASTAL UNION BAADA YA KUITUNGUA AZAM

Diego Costa aumia pua mazoezini

Barca watoka sare na Valencia yafika fainali ya Copa del Rey

Pamoja na ubora wake mchezaji huyu Louis van Gaal kaamua kumshusha timu ya vijana U-21

Pellegrini: Leicester wana bahati !

MATA AFANYA JAMBO LA TOFAUTI KWA TIMU YAKE YA ZAMANI CHELSEA

MAXIME ASEMA HAKUNA KULALA, NI USHINDI KWENDA MBELE

TONI KROOS NI MCHEZAJI WA 3 KUVUTA MKWANJA MREFU MADRID, NANI ANAKAMATA NAMBA 1&2?

Ligi kuu England kuendelea Pitia Ratiba hapa

Wataka Neymar ashtakiwe na ufisadi

Leicester waiadhibu Chelsea na kurudi kileleni

Wachezaji 6 wa zamani wa Man United Wameeleza Jinsi ambavyo Louis van Gaal anaibomoa Man United.

Arsenal wakutana na Barca ligi ya mabingwa Ulaya

Mexime: Mtibwa Sugar haiuzi wala kununua mchezaji

Baaeda ya kuikatria tamaa 4 bora Mourinho sasa arejesha matumaini

Yaya Toure ametwaa tuzo ya mchezaji bora Afrika wa BBC 2015 na kuingia katika rekodi

MATOKEO YOTE MECHI ZA DECEMBER 9 NA TIMU ZILIZOFUZU HATUA YA 16 BORA GIROUD AIBEBA ARSENAL

Popular Posts

Labels

categories

GET A FREE QUOTE NOW