Fid Q ameyasema hayo kwenye Planet Bongo ya East Africa Radio na kueleza kwamba tukio hilo lilitokea siku ya tamasha la Wizkid Live In Dar, alipoenda kufanya sound check kabla ya onesho kuanza.

“Mimi na bendi yangu tulifika pale mapema kwa ajili ya masuala ya Sound Check, kwanza ilitangulia bendi yangu wakawa wanazungushwa sana kufanya sound check, ikabidi niende mwenyewe, jamaa akaniambia mtafanya sound check, mi ikabidi nimfuate jamaa nikamwambia vipi mbona sisi tumefika mapema lakini hatufanyi sound check, akaniambia take it easy man, those guys with big names they deserve to do sound chek alafu nyinyi ma underground mtafuatia“, alisema Fid Q akielezea jinsi tukio lilivyokuwa.

Fid Q aliendelea kusema kwamba baada ya kitendo hicho alienda kuieleza bendi yake na kuanza kucheka, lakini ni kitendo kilichompa changamoto.

“Basi mi na bendi yangu tukabaki tunacheka tukaipenda, bendi yangu ikaniuliza unajisikiaje kuhusiana na hicho kitu!? nikasema jamaa kanifurahisha kwa sababu ye anajua watu ambao anawaona katika TV za kimataifa, wengine sisi hatuonekani kwa hiyo kanikumbusha mi bado nina localy, kwa hiyo nina kazi kubwa ya kujipromote kimataifa, kwa hiyo nimechukulia kauli yake kama challenge na jamaa hajakosea“, alisema Fid Q.